Wordfast ծրագրի ստեղծման պատմությունը

Wordfast ծրագրի ստեղծման գաղափարն առաջ եկավ 1999 թ. սկզբին: Այն ժամանակ շուկայում գոյություն ունեին միայն մի քանի թարգմանական ծրագրեր, որոնք վաճառվում էին չափազանց թանկ գներով:

Այսպիսով, հիմնական նպատակն էր ստեղծել հզոր և միաժամանակ մատչելի թարգմանական գործիք: Բացի այդ, մտադրված էինք մշակելու ծրագիր, որն իր պարզ օգտագործմամբ թույլ կտար թարգմանիչներին կենտրոնանալ միայն աշխատանքի վրա:

Շուտով Wordfast 2.0 ծրագիրն առաջին անգամ որպես հիմնական թարգմանական գործիք օգտագործվեց խոշոր թարգմանչական գործակալությունում: Ծրագրի հեղինակներն աշխատեցին համատեղելի դարձնել ծրագիրը մյուս խոշոր թարգմանական միջավայրերին (Trados)՝ ավելացնելով որակի ստուգման, տերմինաբանության հսկողության և ցանցային աշխատանքի հնարավորություններ: Ծրագիրը փորձարկվեց 20 թարգմանիչներից կազմված ցանցի մասնակցությամբ: Նրանք 9 ամիսների ընթացքում աշխատեցին ընդհանուր ԹՄ ֆայլով, ինչը էլ ավելի հզորացրեց ծրագիրը և նոր տարբերակի (Wordfast 3) մշակման անհրաժեշտություն առաջացրեց:

Wordfast լրամիջոցն ստեղծված է Ms Word միջավայրում աշխատելու համար և համատեղելի է Windows, MacIntosh և Linux օպերացիոն հաակարգերին: Wordfast ծրագրի առավելություններից մեկն այն է, որ ԹՄ ֆայլերը կարող են խմբագրվել ցանկացած տեքստային ծրագրով: Wordfast ծրագրի կարողությունները կարելի է ընդլայնել՝ ավելացնելով նոր լրամիջոցներ և գործիքներ: Եթե Դուք հետաքրքիր առաջարկներ ունեք ծրագրի կարողությունների ընլայնման վերաբերյալ, գրեք մեզ: Մենք ուրախ կլինենք էլ ավելի օգտակար դարձնել մեր ծրագիրը: