Ang Wordfast LLC ay isang maliit na pribadong kumpanya. Ang kumpanyang ito ang gumagawa ng Wordfast at nagbibigay ng kaugnay na mga serbisyo. Ang arkitekto ng Wordfast ay si Yves Champollion.

Ang unang bersyon ng Wordfast ay isinilang noong 1999. Noong panahong iyon, iilan pa lamang ang mga TM software package, sa napakatataas na presyo. Ang panimulang ideya ay gumawa ng isang power-to-the-people TM package sa presyong abot-kaya.

Mula't mula, tinitiyak ng Wordfast ang tuluy-tuloy na pagsusumite ng anumang pagbabago sa isang grupo ng mga tunay na tagasalin para makuha ang kanilang reaksyon at mga puna. Ginawa namin ang lahat ng nararapat, halimbawa, ang paggamit lamang ng pormat na plain-text para sa mga TM at talasalitaan para magamit ng mga tagasalin ang mga istandard na kasangkapan gaya ng sarili nilang wordprocessor para sa manipulasyon ng datos.

Ngayon, ang Wordfast ay ginagamit ng mahigit 13,000 tagasalin sa buong mundo sa halos lahat ng wika. Nakatanggap na ito ng mga papuri mula sa maraming publikasyon dahil sa kasimplehan at husay nito.